Na jaana maine wo ehsaas jab tak na aya tha tu
Na jaani maine wo khushi jab tak na paayi thi teri rooh

Kuch pal the dard ke lekin sehne me tha ek sukoon
Tere aane ke ehsaas ne badhai tujhse roobaroo hone ki justjoo
Aane se tere aai mujhme ek nayi zindagi
Kya khwaab hai ye ya sach me tu hai is rooh me kahin
Hazaaro darr hai is dil me or sawaal bhi
Magar maloom hai mujhe bas hai jawaab har us ehsaas ka sirf tu hi
Jab jab teri dhadkan suni maine maano meri dhadkan se judi
Un nanhe paero ki tasveer chap gai mere mann me kahin

Machalna tera satata hai kai baar
Lekin ek muskurahat de jata hai in labo par har baar
Bhar jata hai mann bechainiyon se mera, bhar ati hai ankhein or dil kai baar
Lekin janti hu me, tera aana dega in lamhon ko abhar

Jab jab yaad ati h teri bas choo leti hu tujhe
Mehsoos kar leti hu teri hasi or tere paero ki masti
Sun raha hai shayad tu meri awaaz or meri hasi
Bhale hi hai nhi saamne tu lekin hai mujhme hi kahin !